【毒男變男神】教你3招聖誕約會必勝技

【Now.com生活】又到聖誕～又到聖誕～又到脫單佳節！在這個良辰吉日，唔好淨係㩒手機做「文字兵」，想趁聖誕約心儀對象出來Fine Dining，又怕見面Dear Air多、一出聲就口塞塞？等相睇達人、配對公司首席顧麥耀邦（James）問教你首次約會秘技！

1）從環境或食物開始n若在餐廳約會，可先從餐廳的環境或落單開始傾起，如介紹餐廳的主題布置或特色食物，若與電影或地點有關，更可進一步打開其他話題，以突顯見識過人。即使對方有「選擇困難症」，遲遲揀唔到食物，你都可以多花心思去揀，James曾試過為女士選擇了兩款有魚及羊的食物，「魚＋羊＝鮮，今晚就和你吃最『鮮』的食物」。

2）趣味性地形容職業n 職業是初次約會常見的話題，但可能做嗰行厭嗰行，James的相睇或配對經驗都顯示，許多人都未能生動甚至準確地形容自己的職業。James認為最重要是讓職業與對方扯上關係，如屬公司IT部門，便可說「你在辦公時間有否上淘寶？有否炒股票，你估公司知唔知你係電腦做乜？部門主管都未必知，我們做IT就一清二楚！」n

3）一不做二不休　n約會一次無下文，經常發生，皆因現代人太喜歡採取拖延策略，「Whatsapp傾啦」，「我未知嗰日得唔得」，極影響雙方再約會的意欲。James提議無論男女都應主動提出下次的約會，可聚餐、睇戲、玩摩天輪、嘉年華、商場show、展覽以至主題公園，尤其女士提出購買電腦或手機產品配件，男士定必有較大興趣，「若向男士提出陪伴買電腦或手機產品配件，男士都無興趣甚至無反應的話，那他多半是對你無興趣，不用再約了」。

https://news.now.com/home/life/player?newsId=331171